तुलसीपुरको मासु पसल, किराना पसल र केहि होटेलमा अनुगमन गरिएको छ ।बुधबार बिहान गरिएको अनुगमनका क्रममा कुखुरा मासु मार्केटमा एक व्यवसायीले ट्वाइलेटको पानीले मासु सफा गरेको भेटिएको छ । अनुगमन टोलीले ‘खड्का फ्रेस हाउस’मा ब्रोइलर कुखुराको मासु ट्वाईलेटको पानीले सफा गरेको तथ्य फेला परेको हो ।
ट्वाइलेटको ढोका नजिकै भर्याङभरि मासु थुपारिएको थियो भने ढोका नभएको ट्वाइलेटमा प्रयोग गरिने जग र बाल्टी प्रयाेग गरेकाे पाइएकाे छ । अनुगमन टोलीले १५ केजी मासु जफत समेत गरेकाे छ ।
त्यस्तै राँगा मासु पसलमा पनि फोहोर भएको पाइएको छ । त्यस्तैगरी फलामका हुक प्रयोग गरेको, मुल्यसूचि देखीने गरी नराखेको, मासु जाली भन्दा बाहिर झुन्ड्याइएको अवस्थामा फेला परेकाे छ । मासुमा लापरबाही तरिकाले राखेकाे भेटेपछि अनुगमन टोलीले तत्काल सुधार गर्न सुझाव दिएकाे छ । टाेलीले फलामका हुक जफत गरी स्टिलका प्रयोग गर्न सुझाव दिएको छ ।
यस्तै किराना पसलहरुमा भेटिएकाे म्याद गुज्रिएका समानहरु पनि जफत गरिएको छ । बुटवल किराना पसलबाट ५ हजार बराबरको जङफ्रट, मिठाई, लड्डु, बर्फि लगाएतका समान जफत गरिएको छ ।
यस्तै अन्य पसलहरुमा उत्पादन मिति नभएका आलु चिप्स, गणेस डेरीबाट उत्पादित केक र डुनोटमा उत्पादन र प्रयोग गर्ने मिति नराखीएको अवस्थामा फेला परेको छ ।कतिपय पसल बिना दर्ता सन्चालनमा रहेका छन् । अनुगमन टोलीले मापदण्द विपरितका समान जफत गर्नुको साथै आगामी दिनमा सुधार गर्न सुझाव दिएको छ ।
अनुगमनमा तुलसीपुर उपमहानगरपालिका उपभोक्ता हित संरक्षण समितिका संयोजक माया आचार्य, उपभोक्ता हित संरक्षण शाखा प्रमुख रेवा रावत, तुलसीपुर इलाका प्रशासन कार्यालयका सुचना अधिकारी यादव भुसाल,पशु सेवा कार्यालयका सुवास आचार्य, इलाका प्रहरी कार्यालय र पत्रकारसहितकाे टाेलीले अनुगमन गरेका थि Souce-News24nepal